musique simple
Language:
fr
Term category:
snf
Post date:
Monday, October 29, 2018 - 11:22
Last modified:
Monday, October 29, 2018 - 11:22
Mvsiqve (laquelle est appelée practique) est vn art nous enseignant la maniere de bien chanter. D’icelle sont deux especes, c’est à sçauoir la simple, autrement appellée plain chant (de laquelle p[ar]lerons seuleme[n]t en ce premier traicté) & la figurée, que le vulgaire appelle chose faite (& d’icelle traicterons au seco[n]d) lesquelles sont differente par ce que l’une (sçavoir est la simple) a ses notes quasi toutes de forme, figure, & quantité semblables, esta[n]t proferées sans accroissement, ou diminution aucune. La figurée au contraire a les siennes de diuerse forme, ou figure (dont elle pre[n]d le nom figurée) & selon leur varieté inesgale ce profferent sous diuerse quantité, estant augme[n]tées, ou diminuées selon qu’il est requis en Mode, Temps, & Prolation.
Or combien qu'en-ce elles soient differentes [musiques simple et figurée], il y a toutesfois telle affinité entre elles, que l'une, & l'autre sont fondées sur mesmes principes : desquels le co[m]mun fondeme[n]t est l'eschelle de laquelle quiconques n'a parfaitte cognoissance, il ne peut rien cognoistre en l'art de Musique.
Copyright © 2026, Lexique musical de la Renaissance
Design by Zymphonies