sous-chantre

Seront haultement colloquez / Et a grant ho[n]neur evoquez / En brief temps en plusieurs colleges / Conservateurs des previlleges / Ou cheuessiers ou scolastiques / Comme clercz bien scientifiques / Ou soubchantres ou soubdoyens / Ou cha[n]tres ou prevostz ou doyens / Tresoriers ie lenten ainsi / Ou archediacres aussi / Cela aduient souue[n]t de fait / Selon que fortune les fait / Ou aulmosniers ou confesseurs / Des princes & des gra[n]s seigneurs / Medecins ou cirurgiens / Croniqueurs astroligiens / Ou bo[n]s chantres de leurs chappelles / Qui sont vocacions moult belles / Et deuotes en bonne foy / Et fort plaisancte ie le croy / A dieu & a loreille aussi / Pour lho[n]neur deulx ie parle ainsi / Ou organistes enten bien / Dignes davoir beaucoup de bien / Car a dire reallement / Ilz sont a priser grandement / Brief ilz auront des dignitez / Beaucoup es villes & es citez