[…] premierement […] la chorde, qui est à l’vnisson d’vn tuyau d’Orgue de 4 pieds ouuert, fait 48 retours dans l’espace de la trois mille six centiesme partie d’vne heure, c'est à dire l'espace d'une seconde minute, qui est la durée d'un battement du coeur, ou du poux tres lent & paresseux. Secondement, que les retours des chordes se multiplient en mesme proportion que les sons deuiennent plus aigus; & consequemment lors que l’on sçait le nombre des retours d’vne chorde, dont on cognoist le son, on sçait quant & quant le nombre des retours de toutes sortes de chordes, dont on cognoist les sons.