Quant au chant que l'on considere comme oüy, & receu par les oreilles d'autruy, il n'est pas plus aysé de le rendre parfait, que quand il est consideré en l'autre façon; car […] il est impossible de trouuer vn Air qui plaise egalement à tous. Tel se plaist à vne seule voix qui. ne peut goûter la perfection d'vn Concert, & vn autre au contraire: l'vn n'estimera les voix si elles ne sont iointes aux Instruments & vn autre n'approuue ny les Instruments à vent, ny ceux qui se seruent de chordes Quelques-vns se plaisent à vne Musique douce, les autres à vne plaine, forte, & massiue: […], chacun a son goust […]Il en est ainsi de la Musique, il se rencontre diuerses inclinations aux airs & aux chants de Musique.