Si la chorde estoit si longue qu’elle fust à l’vnisson d’vn tuyau d’ orgue de 24 pieds, & qu’elle ne batist l’air que dix fois dans l’espace d’vne seconde, l’oreille pourroit apperceuoir que ce son ne seroit pas continu, puis que l’œil discerne tellement ces 10 retours que l’on peut nombrer […] supposé neantmoins que le son de chaque retour soit distinct & discontinu, & qu’il y ayt vn aussi grand nombre de sons differens qu’il y a de retours, car si le son du premier retour est continu auec le son du second, & que tous les sons des tours & des retours ne fassent qu’vn mesme son continu, l’oreille ne peut pas nombrer, ou cognoistre chaque partie du son que fait chaque tour & retour, si ce n’est qu’elle iuge de chaque partie du son par sa difference force ou grandeur.