Corollaire III. Il y a de l’apparence que ceux qui prennent plaisir à esleuer leur esprit à Dieu, & qui desirent de luy offrir autant de mouuemens de leur amour & d’actes d’adoration, comme les chordes des instrumens qu’ils oyent, font des retours, ne diront pas la cognoissance du nombre des battements d’air soit inutile […] & que ceux qui auront assez de iugement pour considerer que la Musique n’est autre chose que le nombre des differens battements de l’air, & que le son, à proprement parler, n’est rien, si l’ oreille ne luy donne la nature du son, & qu’il seroit plus veritable de dire que nous sentons des mouuements d’air, que de dire que nous oyons des sons, aduoüront franchement qu’il n’est pas possible d’auoir vne parfaite cognoissance de la Musique […]