[…] si la chorde est trop courte, & qu’elle n’ayt qu’vn poulce, c'est à dire que la douziesme partie d'un pied de Roy, c’est chose asseurée que l’ oreille ne pourra iuger du son qu’elle fera, mais si on luy donne l’estenduë [p135] de 15 pieds, & que l’on treuue qu’elle tremble 10 fois comme deuant, l’on trouuera son ton par la regle de 3, car les retours de la chorde d’vn poulce de long sont aux retours de celle de 15 pieds, c’est pourquoy la chorde d’vn poulce fera 800 retours […] & consequemment le son de la chorde d’vn poulce sera de 180, quand celuy de la chorde de 15 pieds sera I, de sorte que ces deux sons feront la 53., c’est à dire la Quarte augmentée d’vn comma sur 8 Octaues.