[…] vne chorde de Luth ou d’Epinette ayt 15 pieds de longs, & qu’elle soit trop longue pour iuger auec l’ oreille du son qu’elle fait […] or si on tend auec vne force de 6 liures, elle fera 10 retours dans vne seconde minute, & parce que le son qui respond au ton de Chappelle est fait par 60 retours dans l’espace de ladite seconde, l’on sçaura que le son de 10 retours est plus bas d’vne dix-neusiesme que ledit ton de Chappelle, puis que les sons sont aux sons, comme les retours sont aux retours & qu'il y a mesme raison de 30 à 10, que de 6 à 1, qui contient la raison de la Dix-neuviesme.