Clef n’est autre chose qu’une composition de lettres, & sylabes (repesentant voix) nous do[n]nant la premiere cognoissance du chant. Les lettres ne seruent qu’a garder l’ ordre entre les sylabes, & icelles conioindre ensemble. Et sons dittes clefs par similitude pour auta[n] qu’elles nous do[n]nent ouuerture du chant ainsi qu’une clef d’une serrure. Icelles sont diuisées en trois ordres esgaux, sçauoir en bas, moyen, & haut. Dont le bas est demonstré par lettres capitales, le moyen par petites, & le haut par doubles petites: & ce seulement pour mettre quelque differe[n]ce entre iceux: Lesquels au reste auo[n]s voulu estre du tout semblables, à celle fin de rendre la chose tellement facile, que cognoissant vn ordre on ayt la cognoissance des trois, comprena[n]t chacun ces sept clefs cy, F f faut, G g gg sol re vt, A a aa la mi re, B, b bb fa [C2: deuxième ex. ] mi, C c cc sol fa ut, D d dd la sol re, E ee la mi. Entre lesquelles faut noter qu’il y en a trois pri[n]cipales signifiées par certai[n] characteres, touiours situés en lignes: par lesquels on peut cognoistre la situation de toutes les autres: Dont l’une est ffa vt du moyen ordre, demo[n]strée par tel charactere (a) . L’autre de c sol fa vt du mesme ordre demo[n]strée par tel (b) La troisisme est gg sol re vt du haut ordre demonstrée par tel (c) Et ne sont iamais autre part situées q[ue] co[m]me l’o[n] voit en l’eschelle
[EXEMPLE]
S’il aduient aucunesfois qu’il faille mo[n]ter pl[us] haut, ou deualer plus bas, outres les trois ordres de clefs, alors faudra vsurper les voix des octaues.