D'ailleurs, le son du milieu que les Grecs appellent la Mese, represente la couleur qui est nüee; & comme l'on vse ordinairement de sept couleurs dans chaque nuance, de mesme l'on vse de 7 interualles ou degrez dans chaque octave dont il y en a 2, 3, ou 4, & trois ou quatre dessous ladite Mese: i'ay dit ou dessus, ou dessous, parce qu'il y en a 24 dessous lors que la Quinte est dessous, & lors qu'elle est dessus; ce que Ies Muiciens appellent diuision Harmonique. C'est pourquoy il faudroit voir si la nuance d'vne couleur est plus agreable lors qu'il y a plus de degrez de nuance en bas iusques au noir, qu'en haut iusques au blanc, comme l'octaue est plus agreable lorsqu'elle a plus de degrez en bas, c'est à dire lors qu'elle a la Quinte dessous.