PROPOSITION XIX A sçavoir si l'on peut connoistre asseurément quel est le graue ou l'aigu du son que l'on oit.
Cette difficulté est si grande, que plusieurs Musiciens se trompent souuent en iugeant des sons, car ils croyent & iugent que le son qu'ils oyent est plus bas [p28] ou plus haut d'une octave qu'il n'est, ce qui arriue particulierement aux sons des chordes, des Orgues, ou des petits enfans, qui font souuent l'Octaue en haut ou en bas auec le son, lequel nous pensoins estre à l'Vnisson desdites voix ou des sons.