Je me suis tenu autant que j’ay peu aux reigles generalles, par ou j’ay reconnu que Glarean & d’autres avoyent raison de dire qu’il faut pour entendre vrayement la musique, que l’on touche & connoisse l’ordre des cordes instrumentales; comme en effet un grand musicien de nostre siecle m’a dit mainte-fois qu’il avoit recherché avec affection cette connoissance [. .]mettant par ce moyen a l’essay, seul, & dans le cabinet ses inventions aussi tost qu’elles estoyent conceües.Le sieur du Caurroy, & d'autres n'en ont pas aussi negligé l'estude, qui leur a esté vn ayde pour arriuer ou ils en sont venus, & pour bien reconnoistre que l'instrument a quelques chose de particulier a cause de son temperament.