Quant à moy ie n'ay nulle difficulté, & i'ay rencontré plusieurs musiciens qui les entendent aussi bien que moy, & ne doute nullement que chacun ne les entende [...] c'est pourquoy ie mets icy les obseruations que i'ay iustifiées tres-exactement plus de cent fois, tant sur une Viole & sur vn Tuorbe, que sur deux Monochordes, dont l'vn a ses chordes en leton, & l'autre de boyau & de leton de sorte qu'il est tres-certain que ces differens sons ne viennent pas des autres chordes qui sont sur les instrumens, & qui tremblent sans estre touchées [...] puis que la seule chorde des Monochordes faits les mesmes sons.