Septiesme Regle [d'accord]. Si les chordes sont inesgales en grosseur & longueur, il les faut premierement mettre à l’vnisson, par la cinquiesme Regle; puis il faut prendre les 2. chordes de cette 5. Regle, qui sont à l’vnisson, quant l’vne est tenduë par vne liure, & l’autre par 6 ¼. En troisiesme lieu les forces doiuent estre en raison doublée des interualles, ausquels on veut faire monter l’vne des chordes: par exemple, si l’on veut monter la chorde tenduë auec 6. ¼ liures iusques à l’Octaue, il la fait tendre auec 26. liures, & 9. onces, car 26. 3/5 liures contiennet 4. fois 6 ¼ liures, & la seiziesme partie de 25. liures.