Corollaire I. Puis que les Musiciens cognoissent combien il faut de battemens d'air pour faire toutes sortes de sons, par le moyen des proportions precedentes, il est raisonnable qu'ils offrent autant de mouuemens de leur coeur, & d'autant d'actes de reverence & d'adoration à Dieu qui est le premier moteur, & dont l'ordre & la conduite est necessaire à chaque tremblement de chorde, & à chaque mouuement d'air, & que le mouuement des chordes qui est si prompt & si viste que l'on ne peut apperceuoir ou mesurer […]