Le sixiesme [Bransle] s'appelle la Gauote, c'est à dire la dance aux chansons: sa mesure est binaire assez graue, & se peut rapporter au mouuement Choreobacchique %u 02D8, 02D8, 02D8, 02D8, 02C9, 02C9 %, il a huict pas, quatre mesures, & seize mouuemens; son Exemple est aussi de l'onziesme Mode transposé vn ton plus bas. Il fait la conclusion des Bransles, & apres auoir esté dance vne fois, ou deux en rond, celuy qui a commence le Bransle à mener, fait la reuerence à sa Dame, deuant laquelle il dance seulement huict pas, & l'ayant prise souz le bras droit, il luy fait faire vn tour, & puis vn autre du bras gauche auec chacun huict pas, & luy ayant fait la reuerençe il la remet en sa place, & reprend la sienne; […] or il faut remarquer que l'on peut faire vne infinité de Bransles souz chacune de ces especes, & que l'on en peut adiouster tant d'autres que l'on voudra: par exemple les Passepieds de Bretagne, […]