Quant à la longueur [des cordes de l'épinette], elle approche plus pres de cette proportion, quoy que la difference de ces longueurs ne soit pas harmonique, car la chorde qui fait C Fa vt, n’est pas sesquidixiesme de celle, qui fait D Sol re, & celle-cy n’est pas sesquineusiesme de celle qui fait l’E la mi, &c .Quant à la grosseur, on obserue encore moins la proportion harmonique dans la difference des grosseurs, qu’en celle des longueurs, car les chordes de mesme grosseur seruent souuent à sept ou huist touches: au lieu qu’elles deuroient garder la mesme raison que les longueurs, pour rendre vne parfaite harmonie.