L’experience enseigne que les plus grosses chordes des plus grands instrumens, par exemple celles de l’Epinette & des Tuorbes, descendent iusques à l’vnisson d’vn tuyau d’Orgue de 8 pieds de long, & consequemment que leur son se fait par 30 retours ou enuiron; Or l’ oreille ne peut apperceuoir si ce son est fait de differens retours, c’est à dire par vn mouuement interrompu, ou par vn mouuement continu, d’où je conclus que si l’on touche vne mesme chorde 30 fois, tandis que ces 30 retours se feront, que l’ oreille ne pourra distinguer si elle est touchée plusieurs fois, & qu’elle apprehendera ce son comme s’il estoit vnique & continu […]