Icelle [l’échelle] est principalement diuisée en deux, sçauoir est en ordres de clefs, & deduction de voix. Et pour autant qu’on ne peut bonnement auoir l’intelligence des clefs (lesquelles sont co[m]posées principalement de voix) ne des deductions de voix, sans premierement entendre que c’est que voix. Il sera bon, auant que passer outre, icelles briesuement declairer. Icy donc nous appelons voix, vn son par lequel la vertu des clefs est exprimée, & sont six en tout demonstrées par six syllabes, vt, re, mi, fa, sol, la: Dont les trois premieres (à sçauoir vt, re, mi) sont propres à monter, & trois autres (à sçauoir la, sol, fa) sont propres à deualer. Et pour ce que d’icelles les vnes profere[n]t vn son doux, les autres dur (à l’esgard des douces) les autres mediocres. [ce qui suit est disposé en tableau: ] Aucune sont appellées Douces [fa, vt], Mediocres ou Naturelles [sol, re] Dures [la, mi] [METTRE EXEMPLE?]