L’Epinette tient le premier, ou le second lieu entre les Instrumens qui sont harmonieux, c’est à dire qui expriment plusieurs sons ensembles, & qui chantent plusieurs parties, & font diuerses consonances. & Si l’on juge de la dignité des Instrumens de musique par les mesmes raisons que l’on jugeroit de la bonté des voix, sans doute on la preferera au Luth, qui est son Competiteur; mais la commodité du Luth, sa bonne grace, & sa douceur luy ont donné l’auantage.