La prominence qui excede le corps de l’instrument, & qui semble continuer ledit corps en droite ligne, est appelee le manche par les ouuriers, & ioüeurs d’instrumens, & sert pour estendre les chordes dessus, afin qu’elles ayent[p103] vne longueur suffisante, & que le musicien pose les doigts dessus pour faire diversitez de tons à vne mesme chorde; or il y a autant de cheuilles au bout des manches qu’il y a de chordes sur l’instrument, afin qu’on puisse hausser ou baisser à volonté, comme l’on void au luth, aux violes, aux mandores, aux guiterres & aux violons[…]