Sixiesme Regle [d'accord]. Si les chordes sont esgales en longueur, & inesgales en grosseur: par exemple, si l’vne est grosse de trois parties, & l’autre d’vne, & que l’on vueille faire descendre, ou monter celle de trois à quelques interualles, comme à l’Octaue, il faut premierement les mettre à l’vnisson par la 4. regle, en tendant celle de 3. parties auec 3. liures, & celle d’vne auec vne liure; & pour faire monter la chorde de trois à celle d’vne, la raison de la force doit estre doublée de la raison de l’Octaue, & consequemment il la faut tendre auec la force, ou le poids de douze liures, & de douze onces, ou de la seiziesme partie de douze liures, comme i’ay dit dans la seconde Regle. Et si l’on veut la faire descendre à l’Octaue d’en bas, la force doit estre sousquadruple de trois, à sçauoir II. ¼ onces, car il faut diminuer douze once d’vne seiziesme partie, comme il faut augmenter douze liures d’vne seiziesme partie. Finalement, si l’on veut faire monter la chorde I. à l’Octaue en haut, de la chorde 3., quand elles sont à l’vnisson, il la faut tendre avec 4. ¼ forces, si l’autre est tenduë auec trois.