Le laisse vne infinité d'autres exemples, afin d'adiouster les mouuemens mesurez, que i'explique auec les deux caractères ordinaires donc on vse pour marquer les bresues & les longues dans toute sorte de Poesie, comme l'on fait pour marquer ce vers Trochaique, dont les longues syllabes ont cette petite ligne droite - pour leur signe, & les brèves ont ce demicercle u:

%i Fig. Mhu Chant II 27 p179 (1) %
il faut donc remarquer que le temps brief est dans les mouuemens ce que le point est dans la Géométrie, ou l'vnité dans les nombres, & que le premier pied, ou mouuement est composé de deux temps brefs; le second d'vn temps bref & d'vn long, & ainsi des autres qui suiuent, dont les douze premiers sont simples, & les vnze derniers sont composéz, car quant aux autres qui sont composez d'vn simple & d'vn composé, ou de deux composez, ie n'en veux pas parler, d'autant qu'ils ne sont autre chose qu'vne répétition des précédens, ou qu'ils doiuent plustost estre nommez vers, ou mètres, que pieds ou mouuemens. Or bien qu'au lieu du temps brief l'on mette deux, quatre, ou huit temps si courts qu'ils ne durent pas dauantage que le temps bref, & qu'ils ayent vne autre grâce, & d'autres effets bien differens, neammoins ils sont pris pour vne mesme chose à l'egard de l'espece du temps, ou du mouuement, comme il arriue lors que pour la minime qui fignifie la première partie du pied iambique, l'on met deux noires, quatre crochuës, huict doubles crochuës, ou seize triples crochuës, dont ie parle ailleurs.

%iMhu Chant II 27 p179%.