[…] Ie laisse plusieurs autres choses, dont la considération est remarquable, par exemple pourquoy la quinziesme & la est plus propre pour les chants tristes, que la huictiesme, ou neufiesme partie, car l'on n'adiouste qu'vne quinziesme partie de mouuement pour faire le demiton majeur, & vne 24. pour faire le mineur, qui sont propres pour representer la tristesse; au lieu que l'on adiouste un huictieme pour le ton maieur, & un neufiesme, pour le ton mineur dont l'on vse pour les gays. Or il faut remarquer que le Chant est d'autant plus triste qu'il a dauantage de demitons qui se suiuent, & consequemment que la Chromatique est propre pour chanter les airs tristes, & la Diatonique pour chanter les gays; & qu'il est tres-difficile de sçauoir si le demitó [sic] mineur est plus triste que le demiton majeur, & de combien il est plus propre pour exprimer la tristesse: ce que l'on peut semblablement dire de la diese Enharmonique.