Neufiesme Regle [d'accord]. Si les chordes sont de differente matiere; par exemple de leton, de boyau, d’acier, d’or & d’argent, il faut pre mierement les mettre à l’vnisson auec des forces cogneuës, puis il faut suiure les regles precedentes. Or pour les mettre à l’vnisson, ie suppose l’experience, qui monstre que le son de celle d’acier tenduë auec 3. liures à mesme raison au son des chordes d’or, d’argent & de cuiure, que les nombres qui sont vis à vis de chaque chorde de la table qui suit, par lesquels on void que l’or fait la Quarte en bas auec celle d’argent, que celle d’argent fait le ton maieur auec l’acier, qui fait le se mi-ton maieur en haut auec celle de cuiure, laquelle fait le Triton auec l’or, qui fait la Quinte auec l’acier; Les lettres E, A, B, (petit symbole pour l’acier) monstrent que le son de la chorde d’or est en E mi la, de l’argent en A mi la re, du cuiure en B fa, & de l‘acier en (petit symbole) mi.