Et lors relevant la voix il luy parla de ceste sorte : Echo. Stances. I. Fille de l’air qui ne sçauois rien taire, de ces rochers hostesse solitaire / […] [p8] Encore que le berger n’ignorast point que c’estoit luy-mesme qui se respondoit, et que l’air frappé par sa voix rencontrant les concavites de la roche, estoit repoussé à ses oreilles, si ne laissoit-il de ressentir une grande consolation des bonnes responces qu’il avoit reçues, luy semblant que rien n’estant conduit par le hazard, mais tout par une tres-sage providence, ces paroles que le rocher luy avoient renvoyés aux oreilles n’avoient esté prononcées par luy à dessein, mais par une secrette intelligence du demon qui l’aymoit, et qui les luy avoit mises dans la bouche […]