[…] oultre l’appareil des riches habits, delicieux festins, & somptueuses mascarades, sa maiesté ordonna encores […] des balets aussi à pied & à cheual, prattiquez à la mode des anciens Grecs, & des nations qui sont auiourdhuy les plus esloignees de nous : le tout accompagné de concerts de musiques excellentes & non encores iamais ouyes.
Surquoy ie luy remontray que mon dessein estoit composé de trois parties, sçauoir des poësies, qui deuoyent estre recitees : de la diuersité de musiques, qui deuoyent estre chantees : & de la varieté des choses, qui deuoyent estre representees par la peinture.
Aussi que pour la musique, la diuersité y estoit si necessaire, qu’il me seroit impossible y pouuoir satisfaire.
Ie suppliay treshumblement sa maiesté de donner la charge des poesies, musiques & peintures, à personnes qui peussent dignement s’en acquicter.
Elle commanda pareillement au sieur de Beaulieu (qui est à elle) qu’il fist & dressast en son logis tout ce qui se pouuoit dire de parfaict en musique, sur les inuentions qui luy seroyent par moy communiquees, seruans au suject de la matiere.
En quoy il [Beaulieu] s’est si heureusement comporté, que luy (que les plus parfaicts Musiciens disent exceller en cest art) s’est surmonté luy-mesme : ayant esté secouru toutesfois des Musiciens de la chambre du Roy, & specialement de maistre Salmon, que ledict de Beaulieu & autres de telle science estiment à bon droict beaucoup en son art.
Au milieu duquel à l’obiect de ceste grotte, fut faitte vne motte de terre, qui prenoit sa leuee au pied d’icelle grotte : sur laquelle estoit assis le Dieu Pan vestu en Satyre, enuelopé d’vn mandillet de toile d’or, ayant vne couronne d’or sur sa teste, & tenant en sa main gauche vn baston noüailleux & espineux, & en la droite ses flageolets ou tuyaux dorez, desquels il deuoit sonner en temps ordonné. Au dedans de la grotte, & derriere l’huys d’icelle, fut disposee la musique des orgues doulces, pour iouër aussi en temps & lieu […]
Au dedans de ceste voulte y auoit dix concerts de musique, differens les vns des autres : & fust ceste voulte dicte & appelee Doree, tant à cause de sa grande splendeur, que pour le son & harmonie de la musique, qui y fut chantee : laquelle pour ses voix repercussives, aucuns de l’assistance estimerent estre la mesme voix qui fut conuertie en air repercussif, appelé depuis Echo : & d’aultres plus instruits en la discipline Platonique, l’estimerent estre la vraye harmonie du ciel, de laquelle toutes les choses qui sont en estre, sont conservees & maintenues.
[…] & estoit ce lieu plus remarquable, d’autant qu’il falloit que par iceluy passassent les musiques des intermedes, & les chariots, qui s’alloyent presenter deuant le Roy.
[…] le silence ayant esté imposé, on ouit aussi tost derriere le chasteau vne note de hauts-boys, cornets, sacquebouttes, & autres doux instrumens de musique : desquels l’harmonie estant cessee, le sieur de la Roche […] sortant du iardin de Circé, courut iusques au milieu de la salle […]
En cest equipage entrerent en la salle, chantans la chanson suyuante : à chacun couplet de laquelle, respondoit de la voulte d’or l’vne des musiques, toute à voix.
Le chant des Sereines à 4. parties. Concordant.
Le chant des Sereines à 4. parties. Superius.
Response de la voute dorée. Tenor. Bassus.
[Response de la voute dorée] aux Sereines à 5. parties. Contra.
Chanson des Sereines […] A sa trompe accordez vos voix Pour chanter d’un grand Roy la louange immortelle. On voit de la mer sortir […] Le chœur des sœurs Nereides […] Tethys s’arreste à la voix De Glauque, qui de ses doigts Touche les nerfs d’une Lyre : Allons son chant escouter, Il me semble lamenter […]
[…] y auoit deux Tritons et Nereides, auec leur longue queuë, qui portoyent en leurs mains des instrumens de musique […]
Aussi ceste parure a esté estimee la plus superbe, riche & pompeuse, qui se soit iamais veüe porter en masquarade.
[…] la damoyselle de Beaulieu son espouse, tenant vn luth en sa main […]
Deçà & delà […] marchoyent à pied huict Tritons à longues queuës, […] representez par les chantres de la chambre du Roy, ioüans de lyres, lutz, harpes, flustes, & autres instrumens, auec les voix meslees.
[…] la fontaine commença à marcher vers le siege du Roy auec la musique d’instrumens & de voix, dont le mot estoit tel.
La Musique des Tritons à 5. parties tenor bassus
[La Musique des Tritons] qui accompagnoient la fontaine. Contra.
Chant des tritons.
Mais dés que ceste belle compagnie eut comparu deuant leurs maiestez, aussi tost ceste musique cessa, & lors Glaucus & Tethys se meirent à chanter seuls le dialogue suyuant : à la fin de chacun couplet duquel, toute la musique des Tritons respondoit, reprenant les deux derniers vers, ainsi que verrez cy dessous.
Toutes les stances se chantent soubz ce chant icy, reste la dernière qui est interlocutoire.
Tenor.
Contra. Bassus.
[…] durant ceste retraite la mesme musique que dessus recommença […]
[…] tout à l’instant entrerent en la salle par les deux treilles, dix violons, cinq d’un costé, & autant de l’autre […]
[…] auec ceste parure commencerent à ioüer la premiere entree du Balet. Apres ces violons entrerent en la salle les douze pages, par les mesmes treilles, six d’vne part, & autres six de l’autre : & tous estans placez on veit venir soudain apres eux les douze nymphes Naiades, entrans aussi six par vne treille, & six par l’autre : qui ne furent plustost apperceuës par les violons qu’ils changerent de note & de son, pour entrer en la seconde partie de l’entree du Balet, en laquelle ces nymphes vindrent dansans iusques aux maiestez du Roy & Royne sa mere, auec cest ordre. Au premier passage de l’entree estoyent six de front, toutes en vn rang du trauers de la salle, & trois deuant en vn triangle bien large : duquel la Royne marquoit la premiere pointe, & trois derriere de mesme : puis selon que le son se changeoit, elles se tournoyent aussi, faisans le limaçon au rebours les vnes des autres, tantost d’vne façon, tantost d’vne autre, & puis reuenoyent à leur premiere marque. Comme elles furent arriuees aupres du Roy, continuerent tousiours la partie de ce Balet, composé de douze figures de Geometrie, toutes diuerses l’vne de l’autre : & sur le dernier passage les violons ioüerent vn son fort gay, nommé la Clochette.
La Circé se tenant encore couuerte en son iardin de la closture du rideau, n’eut pas si tost ouy le son de la clochette qu’elle sortit en grande colere […]
[…] le semblable fit-elle aux violons, lesquels ne peurent plus chanter ny ioüer, ains demeurerent sans mouuement quelconque.
[…] au dessus de la nuee on oit vn gros esclat de tonnerre, qui bruit & murmura assez long temps […]
Ce Dieu en descendant chanta d’vne fort bonne grace les vers cy dessous inserez […] Chanson de Mercure.
[…] Mercure […] ayant mis fin à sa chanson il espandit la liqueur du ius de la racine du Moly, qu’il auoit en vne fiole doree, dessus les testes des nymphes : et la ietta auec telle industrie, qu’elle reiaillit aussi sur les violons, lesquels ne furent pas si tost arrousez de ceste eau, que soudain recommançans à iouer, les nymphes se prindrent aussi à danser, & poursuiure leur Balet comme deuant qu’elles fussent enchantees.
[…] Circe […] courut iusques au milieu de la salle presque auec vne furie, passant parmy ceste belle troupe de danseresses, comme elle auoit faict auparauant, & les toucha vne seconde fois, ensemble les violons, les remettant en l’estat duquel Mercure les auoit ostez
Le son du premier balet. A 5. parties. La premiere entrée. Tenor. Bassus.
Le son du premier balet. A 5. parties. La premiere entrée. Contra.
Superius. Tenor. Bassus.
Secundus superius. Contra.
Superius. Tenor. Bassus.
Secundus superius. Contra.
Le son de la clochete, auquel Circé sortit de son Iardin. Superius. Tenor. Bassus.
Secundus superius. Contra.
Ce nouveau intermede estoit composé de huict Satyres, sept desquels iouoyent des flustes, & vn seul chantoit, qui estoit le sieur de saint Laurens, chantre de la Chambre du Roy.
Les accords de ceste musique furent fort agreables […]
pour estre l’inuention de laditte musique nouuelle & pleine de grande gayeté.
Ces Satyres faisans le tour de la salle, continuerent leur chanson de musique : & à chacun des couplets vne des musiques de la voute doree respondoit, comme verrez cy apres.
Le Chant des Satyres
Le Chant des Satyres à 5. parties
Chant des satyres
O Pan, Diane irritee S’est des forests absentee Et tant de nymphes des bois Qui souloyent dessous leur dance Presser l’herbe à la cadance Des doux accords de leurs voix.
Dessus la lyre d’yvoire Elles chantoyent la victoire De Iupiter Roy des Dieux, Armé de foudre & d’orage, Qui meit des Geans la rage Sous ses pieds victorieux.
Leur bal estoit delectable, Et leur voix tres-agreable, Aussi Phebus la prisoit : Quand elles chantoyent de France Les loix, les Rois, l’abondance,
Leur vers tant plus nous plaisoit.
Le chant qui frape l’oreille, La reiouit à merveille S’il publie la vertu D’vn Roy, graue de iustice, Qui par ses mœurs a le vice Non par force combatu.
[…] & faisoit paroistre la magnificence de celle qui representoit ce superbe & excellent Balet.
Dés que ce bois ainsi meublé se presenta à la veue des Satyres, ils changerent aussi tost de chant, & dirent la chanson suyuante : laquelle dura iusques à ce qu’ils furent deuant le Roy, sans que la musique de la voute doree oubliast son deuoir & coustume de respondre auec les voix & instruments.
Le second chant des Satyres à 5. parties
Le second chant des Satyres à 5. parties
Au milieu d’iceluy estoit le Dieu Pan […] qui ayant descouvert les nymphes des bois approcher son temple, commença en signe de resiouissance pour leur venue, de iouër de son flageolet, duquel il a esté iadis l’inuenteur. Ce fut lors qu’on entendit vne douce, plaisante & harmonieuse musique des orgues, dedans la grotte, derriere le Dieu Pan : & cessant ceste musique d’orgues sourdes, la damoyselle de Victry s’addressant au Dieu Pan, luy parla en ceste sorte.
Pan, […] Des nymphes gardien, il n’est temps de te plaire A sonner de ta fluste en ce bois solitaire.
[…] toy leger Satyre Cesse de plus enfler ta musete […]
[…] apres les huict Satyres […] recommencerent lors la chanson qu’ils auoyent chantee à leur entree : & à chacun couplet la musique de la voute dorée respondoit : & durant ce chant, le bois des Dryades se retira & sortit de la salle.
Ceste harmonie bocagere prenant fin, sortit de l’autre treille vne troupe […]
Deux d’entre elles ioüyoient de luts, & les deux autres chantoyent, qui donnerent grand plaisir à la compagnie, pour la douceur de leurs voix excellentes : auec lesquelles ils dirent la chanson suyuante, respondant à icelles la voulte doree.
Chant des quatre vertus
Chant des quatre vertus
Response de la voute dorée aux vertus : à chaque couplet / Tenor / Bassus
c’estoit vne Musique de douze instrumens sans voix / 2e contra / Bassus
Ce chariot estoit […] estoffé & reuestu tout à son tour de trophees d’armes, de liures & instrumens de musique […]
Et ce pendant la musique de la voulte doree, composee d’instrumens & de toutes voix ensemble, commença ainsi que s’ensuit, auec vne telle douceur & harmonie, que les assistans comme estonnez pensoyent ouir à l’arriuee de ceste deesse, quelque partie de la melodie harmonieuse des cieux.
Response de la voute dorée aux vertus
Response de la voute dorée aux vertus
Superius / Tenor / Tenor 2
Superius 2 / Contra / Bassus
[…] la musique finie, Pallas se leuant debout s’addressa au Roy […]
[…] et durant ceste descente la musique de la voute doree commença à chanter auec nouueaux intruments, & differents des precedens : la plus docte & excellente musique, qui iusqu’à lors eust esté chantee & ouye […]
La musique qui fut chantee en la voute doree pendant que Iupiter descendoit, où ils estoyent quarante musiciens, voix & instruments.
La musique finie le sieur de Sauornin (qui est au Roy, pour estre doué de beaucoup de bonnes parties, & principalement tresexcellent au chant, & en la composition des airs de musique) representant Iupiter, s’apparut en la nuee […] & estant encor en la nuee chanta ces vers.
Pan […] s’eiouïssant de leur arrivee, se meit à iouer de son flageol à sept tuyaux, & feit aussi sonner les orgues sourdes auec vne nouuelle musique, & ceste harmonie estant finie, Minerue commence à parler au Dieu Pan en ceste sorte […]
Et n’eut pas si tost fait resonner cest airain, quon ouit au dedans vn si estrange bruit, aboyement & mugissement, tant de chiens, loups, ours, lyons, que d’autres infinies sortes d’animaux, que le chasteau sembloit fondre […]
[…] les violons recommencerent à sonner vne fort belle entree, au son de laquelle les Dryades se leverent […]
Ce fut lors que les violons changerent de son & se prindrent à sonner l’entree du grand Balet, composé de quinze passages, disposez de telle façon, qu’à la fin du passage toutes tournoyent tousiours la face vers le Roy : deuant la maiesté duquel estans arriuees, danserent le grand Balet à quarante passages ou figures Geometriques : & icelles toutes iustes & considerees en leur diametre, tantost en quarré, & ores en rond, & de plusieurs & diuerses façons, et aussi tost en triangle, accompagné de quelque autre petit quarré, & autres petites figures.
A la moitié de ce Balet se feit vne chaine, composee de quatre entrelacemens differents l’vn de l’autre, tellement qu’à les voir on eust dit que c’estoit vne bataille rangee, si bien l’ordre y estoit gardé, & si dextrement chacun s’estudioit à observer son rang & cadence : de maniere que chacun creut qu’Archimede n’eust peu mieux entendre les proportions Geometriques, que ces princesses & dames les pratiquoyent en ce Balet. Et à fin qu’on cognoisse de combien de diuersitez de sons il falloit vser, les vns graues, les autres gais, les vns en triple, les autres pour vn pas doux & alenti, ie les ay voulu aussi exprimer […]
La petite entrée du grand balet. A 5. parties / la grand’entrée / Bassus
La petite entrée du grand balet A 5. parties / la grand’entrée Contra
Superius / Tenor / Bassus
2us Superius / Contra
Superius / Tenor / Bassus
2us Superius / Contra
Superius / Tenor / Bassus
2us Superius / Contra
Superius / Tenor / Bassus
2us Superius / Contra
Superius / Tenor / Bassus
2us Superius / Contra
Superius / Tenor / Bassus
2us Superius / Contra
Auec cest ordre & ordonnance elles meinent les princes pour dancer le grand Bal : & iceluy finy on se meit aux bransles, & autres dances accoustumees és grands festins & esiouïssemens
L’exercice & occupation de ceste Circé est à chanter, & faire des ouurages immortels, semblables à ceux que font les deesses : le chant signifie l’eloquence diuine, & discours de la verité, & les ouurages signifient les actes vertueux qui se font par ceux qui sont esmeus par le desir de gloire, bonne renommee & immortalité.
Copyright © 2026, Lexique musical de la Renaissance
Design by Zymphonies
