Deduction est vne conduyte des six voix [...], selon leur chant & situation propre (comme dict Guilliand [sic] au 4. chapitre de son 2. traicté) & tout ainsi qu'il y a trois ordres de clefs, aussi y a il trois deductions de voix, comprises en chascun ordre. Dont la premiere est du chant de quaire, lequel prend tousiours son origine de l'vt de G solreut : la deuxiesme est du chant de nature, lequel pre[n]d tousiours son origine de l'vt de C solfavt : & la troisiesme est du chant de bmol, lequel prend son origine de l'vt d'Ffaut, estant demonstré par ce charactere, b. Exemple.